Tâm rơh khâl ngăn Indonesia, Kêng măng 6/8, Kruanh Quốc hội Vương Đình Huệ hŏ vơt Thống đốc Đặc khu Thủ đô Jakarta Heru Budi Hartono

Kruanh Quốc hội Vương Đình Huệ ntoh nau rhơn ndơn nau jă bah Kruanh Hạ viện Puan Maharani tât khâl Indonesia, râng Đại hội đồng Liên nghị viện ăp dak Đông Nam Á tal 44 (AIPA-44), khâl nkuăl ƀon têh Jakarta ueh. Lah rjăp nau tâm boh 2 dak dôl hun hao ueh, Kruanh Quốc hội lah rjăp rơh khâl aơ lah gay n’hao nau tâm boh ueh đah 2 dak tâm ăp ntrong ndrel ăp gưl, geh Đảng, nghị viện, Chính phủ, nkuăl ndrel tâm n’ur ƀon lan.

Kruanh Quốc hội mbơh, aơ lah rơh khâl ngăn Indonesia bôk năp tâm nau ƀư Kruanh Quốc hội, ntoh nau ueh bah năp nau hun hao bah Thủ đô Jakarta-đô thị têh ngăn, geh rnoh nŭih nklăp 3% yơn rgop tât 20% GDP bah lam dak Indonesia. Kruanh Quốc hội ŭch Thủ đô bar dak n’hao nau tâm boh, tâm nchră nau tă blau kan hun hao, ngăn lah rnôk Hà Nội-Jakarta nchrăp ơm geh trong mpar sŏng./.