VOV4.M'nông: Kêng măng ntri (30/5), ta jay Quốc hội, Kruanh Quốc hội Vương Đình Huệ hŏ wơt Đại sứ dak Anh ta Việt Nam Gareth Ward. Ta rơh wơt, Kruanh Quốc hội Vương Đình Huệ rnê âk nău hun hao uĕh lăng tâm boh đah Quốc hội Việt Nam n'hanh Nghị viện Anh ăp năm rlău aơ. Bar ding hŏ tâm khâl mpôl gưl têh, mât trong tâm mâp, nsŏng kơl ta ăp rơh rgum nchră nghị viện âk ding, lơn lah ta Liên minh Nghị viện lam ntŭr neh (IPU), Tâm nchră tâm boh Nghị viện Á - Âu (ASEP).

Lah rjăp nău tâm boh geh nău dơi Quốc hội bar dak lah ndơ khlay rgop ntrŭt ntrôl lơn đŏng tâm boh Têh jong Việt Nam - Anh, Kruanh Quốc hội Vương Đình Huệ ŭch rŏng, Đại sứ Gareth Ward ƀư tay ntung njŏ an nău n'hao dăng tâm boh đah bar Quốc hội, dăn đă ăp nău kan tâm boh rƀŏng tât nkah ndray 50 năm njêng tâm boh đah bar dak tâm năm 2023./.

Nuĭh rblang: Điểu Thân