VOV4.M'nông: Kêng măng 24/8, ta Jay Quốc hội, Kruanh Quốc hội Vương Đình Huệ wơt kruanh Rmôt nghị sỹ hữu nghị Hàn Quốc - Việt Nam Kim Tae Nyeon nkhêp geh hăn khâl n'hanh pah kan ta Việt Nam.

Ta rơh wơt, Kruanh Quốc hội Vương Đình Huệ lah rjăp Việt Nam way uănh khlay tâm boh đah Hàn Quốc n'hanh ntrŏng Hàn Quốc lah dak tâm boh têh jong dâk bôk năp, đah nău nsing nơm âk mô dơn ta nkual Đông Bắc Á ma ta lam ntŭr neh, Chính phủ Việt Nam way nta trong dơh an ăp ntuh kơl, kơp lĕ ma ăp nuĭh ntuh kơl prăk kaih an gŭ kan ta Việt Nam. Mpeh tâm boh bar nhih pah kan njêng pháp luật, Kruanh Quốc hội Vương Đình rnê âk nău khlay kan bah Kruanh rmôt nghị sỹ tâm rnglăp Hàn Quốc - Việt Nam ndrel rmôt nghị sỹ lah ntung njŏ ntrŭt ntrôl tâm boh đah bar Quốc hội n'hanh ƀon lan bar dak; nsing nơm an lah, tâm năm kan dja, bar Rmôt Nghị sỹ tâm rnglăp mbra n'hao âk nău kan tâm nđŭr geh nău dơi, ngăn ngăn, rgop ntrŭt ntrôl tâm boh tâm rnglăp n'hanh tâm boh ƀon lan bar dak./.

Nuĭh rblang: Điểu Thân