Kêng măng 30/6, ta Jay Quốc hội, Kruanh Quốc hội Vương Đình Huệ hŏ wơt Tổng Giám đốc bah Mpôl mât uănh nuĭh kan dak bah dih (ILO) wa Gilbert F. Houngbo. Kruanh Quốc hội Vương Đình Huệ lah rjăp, Việt Nam rnê âk ILO tâm nău ntop kơl Việt Nam gŭ mĭn, uănh an dŏng, ntrŭt ntrôl tĭng ƀư ăp rnoh di nuĭh kan, lơn lah ăp Công ước mhe mpeh uănh an dŏng.

Kruanh Quốc hội lah rjăp, hun hao jŏ jong ta lĕ rngôch ăp n’gâng tơm wăng sa, rêh jêng kon nuĭh, ntŭk gŭ rêh way lah du trong hăn mô rgâl bah Việt Nam. Việt Nam nchrăp rdâk njêng tâm boh nuĭh kan tâm di, đăp mpăn n’hanh rgâl mhe. Ngih dak geh nău khlay kan tâm pă đah ăp nuĭh tơm dŏng nuĭh kan n’hanh nuĭh pah kan. Tổng Giám đốc ILO an gĭt, ntơh măt ăp nhih pah kan Liên Hợp Quốc ta Việt Nam nkoch du đêt ăp ntul rlong dôl mâp lah du đêt trong nchrăp kan tâm boh hun hao dôl geh mpŭng lir tơm ndơ tă bah geh nău mbrơi nkai ƀư siƀŭt ntuh kơl. Lah rjăp, ăp mpôl kan Liên Hợp Quốc dôl ƀư lĕ rngôch ăp ntil nău dơi gay ntrŭt ntrôl tĭng ƀư ăp trong nchrăp kan dja đŏng./.