Ta Ngih Quốc hội, Kruanh Quốc hội Vương Đình Huệ wơt Tổng giám đốc prăk kaih, Tập đoàn SamSung Electronies Park Hanrk. Kruanh Quốc hội Vương Đình Huệ rnê wa Park Hanrk Kyu hăn khâl n’hanh pah kan ta Việt Nam n’hanh răm rhơn mâp tay jêh rơh rƀŭn na nê̆ Hàn Quốc bah Mpôl đại biểu gưl prêh Quốc hội Việt Nam rnôk khay 2/2021.

Kruanh Quốc hội Vương Đình Huệ mĭn lah, Quốc hội Việt Nam kơl, nchrăp ƀư pháp lý dơh an ăp nău ƀư ntuh kơl, nkra njêng, tăch rgâl bah nsum mpôl doanh nghiệp tâm n’hanh bah dih dak, tâm nĕ geh âk doanh nghiệp Hàn Quốc n’hanh Tập đoàn Samsung; mbra hăn ndrel n’hanh nta nơih an Tập đoàn mbơh ƀư ăp nău kan ntuh kơl tăch rgâl geh săk rnglăy, lôch uĕh n’hanh nâp nâl ta Việt Nam. Tổng giám đốc Prăk kaih Tập đoàn Samsung Electronies Park Hanrk Kyu mpŏng Việt Nam mbra rgâl tay ntŭk ntô tăch rgâl tâm năm tât. Di rơh aơ, wa Park Hanrk Kyu tâm rgâl đah Kruanh Quốc hội Vương Đình Huệ mpeh du đêt nău uănh tât bah Tập đoàn.