VOV4.M'nông: Kêng măng 16/3, ta Jay Quốc hội, Kruanh Quốc hội Vương Đình Huệ hŏ wơt wa Julius Maada Bio, Tổng thống Sierra Leone nkhêp geh hăn khâl ngăn Việt Nam ntơm bah nar 14-20/3. 

Ta rơh wơt, Kruanh Quốc hội lah rjăp, Quốc hội Việt Nam geh trong nchrăp pơk hvi, ntrŭt ntrôl tâm boh đah Nghị viện ăp dak lam ntŭr neh, tâm trôm tâm boh nghị viện bar ding n'hanh âk ding. Đah ăp dak tâm nkual châu Phi, Quốc hội Việt Nam mâp na nê̆ đah Nghị viện, Nghị sĩ ăp dak, ntrŭt ntrôl tâm boh Nghị viện, njêng Rmôt Nghị sĩ tâm rnglăp đah Nghị viện âk dak lôch nê ntrŭt ntrôl tâm boh wăng sa, tăch rgâl, ntuh kơl văn hóa - ntĭm nti đah bar ding. Lah rjăp, Quốc hội Việt Nam geh nău kan khlay tâm nău mât bôk neh dak, Tổng thống Sierra Leone tâm ban ŭch đah Kruanh Quốc hội nhih pah kan njêng pháp luật bar dak n'hao dăng tâm boh, tâm pă, n'hao prêh tâm boh./.

Nuĭh rblang: Điểu Thân