VOV4.M'nông: Kêng măng nar 12/5, Kruanh Quốc hội Vương Đình Huệ wơt GS.TS Viêng Thoong Sỉ-Phẳn-Đon, Chánh án Nhih phat dôih ƀon lan gưl têh Lào khâl ngăn Việt Nam. Kruanh Quốc hội lah rjăp, hăn khâl dja geh nkô̆ khlay tâm  rnôk bar dak dôl nchrăp an nkah ndray nar njêng tâm boh n'hanh Nar ký ton tâm rnglăp n'hanh tâm boh Việt Nam-Lào. Ăp rơh tâm khâl mpôl gưl têh đah bar dak dôl dơi an ƀư uĕh; nkre ŭch rŏng ta ntŭk gŭ kan mhe, wa ƀư lôch jêh uĕh nău kan, ndrel Nhih phat dôih ƀon lan gưl têh Việt Nam ndrel rgop êt lhăt, ntrŭt ntrôl lơn đŏng tâm boh bah bar dak. Kruanh Quốc hội ŭch rŏng, Nhih phat dôih bar dak mât uĕh ăp nău dơi hŏ geh, mô rlu n'hao nău dơi tam kan tâm let năp tay. Đah ntŭk gŭ kan mhe bah he, Kruanh Quốc hội ŭch tĭng n'hanh ntop kơl gay bar nhih pah kan n'hao dăng tâm boh tâm let năp tay./.

Nuĭh rblang: Điểu Thân