Tâm rnôk hăn khâl ngăn Philippines, ôi 25/11/2022, Kruanh Quốc hội hŏ wơt wa bu ur Agnes Devanadera, Kruanh Tập đoàn hun hao Đặc khu Clark.

Kruanh Quốc hội Vương Đình Huệ an lah, rơh mâp lah rnôk gay tâm ôp nô nău bah Đặc khu, djăt nău dăn đă bah mpeh Đặc khu n'hanh mpôl kan nsum ntơm bah nê, dăn đă trong kan buăt nthoi bar jâng wăng sa, wăch rgum âk lơn doanh nghiệp râng ntuh kơl tâm ăp trong kan ma bar ding săk geh âk.

Tập đoàn hun hao đặc khu Clark geh lĕ rngôch hvi neh dăp rgum rlău 32.000 ha đah ăp n'gâng kan, trong kan: công nghệ thông tin, công nghiệp công nghệ mhe, hàng không, logistics n'hanh pâl nđaih. Tât aƀaơ Tập đoàn hun hao đặc khu Clark hŏ wăch rgum 1100 nuĭh ntuh kơl, dŏng 127.000 nuĭh kan n'hanh njêng  luh rnoh tăch n'gluh 3,9 rmen đôlar. Nău kan  dja hŏ dŭt jêh uĕh lăng hăn khâl ngăn Philippines bah Kruanh Quốc hội Vương Đình Huệ n'hanh ăp mpôl đại biểu gưl têh Quốc hội dak he đŏng.

VOV/Nuĭh rblang: Điểu Thân