VOV4.M’nông – Kêng măng 23/8 ta Ngih Quốc hội, Kruanh Quốc hội Vương Đình Huệ lĕ wơt Mpôl ntoh măt Ban Druh ndăm, Đảng Dân chủ Tự do Nhật Bản khâl pah kan Việt Nam. Kruanh Quốc hội Vương Đình Huệ mbah rhơn Đảng Dân chủ Tự do Nhật Bản geh nău dơi têh tâm rơh săch Thương viện khay 7 mhe rlău. Uănh lah prêh nău ƀư tơm druh ndăm, ăp nghị sĩ mom tâm hun hao tâm boh Việt Nam-Nhật Bản, Kruanh Quốc hội mĭn lah, Quốc hội Việt Nam kơl nău n’hao tâm boh đah druh ndăm 2 dak n’hanh ăp nghị sĩ mom 2 dak. Kruanh Quốc hội đă ăp nghị sĩ mom 2 dak n’hanh ăp nghị sĩ mom 2 dak. Kruanh Quốc hội đă ăp nghị sĩ Ban Druh ndăm Đảng LDP Nhật Bản uănh mĭn tât nsum mpôl nuĭh Việt Nam ta Nhật Bản, uănh mĭn lơn tât ăp trong ƀư, nău kơl kan ndrel đah nuĭh pah kan 2 dak, nta an nuĭh pah kan Việt Nam hăn pah kan ta Nhật Bản. Ndrel đah nĕ, druh ndăm 2 dak dơi ƀư ăp Festival druh ndăm, sinh viên ăp năm, ngăn lah tâm năm 2023 rnôk 2 dak nkah gĭt 50 năm ndâk njêng tâm boh tâm rnglăp; nghị sĩ mom 2 dak an n’hao ăp rơh khâl, tâm nkoch nău blău ơm pah kan, tâm rgâl mpeh ăp nău ndrel uănh tât.

Nuĭh rlang: Y Sưng Phê Ja