VOV4.M'nông: Nkhêp nkah ndray 132 năm Nar deh Kruanh Hồ Chí Minh (19/5/1890-19/5/2022), ôi 19/5, Mpôl ntơh măt kruanh rđău kan Đảng, Ngih dak n'hanh Uỷ ban Trung ương MTTQ Việt Nam hŏ tât an kao si, lăp Lăng weh chop Kruanh Hồ Chí Minh n'hanh mpoh nhang nkah gĭt ăp tahen ơm khĭt tâm lơh tâm su.

Bah năp huêng phan Kruanh Hồ Chí Minh têh kuâng, ăp kruanh rđău kan mpơl nuih n'hâm nkah gĭt jru hvi, chŭn mbah nkah gĭt n'hâm suan têh kuâng bah Kruanh Hồ Chí Minh đah n'gâng kan rlăch ndăng rklaih luh rnoi nuĭh, dơn ngoăy neh dak, rdâk njêng neh dak Việt Nam xã hội chủ nghĩa đăp mpăn, dơn ngoăy. Kao si bah Mpôl hăn geh nchih "Mbro mbrăng nkah gĭt Kruanh Hồ Chí Minh têh kuâng".

Lôch lăp Lăng weh chop Kruanh Hồ Chí Minh, Mpôl hŏ hăn tât an kao si, mpoh nhang, nkah gĭt ăp tahen ơm khĭt ta Ndah rup nkah gĭt ăp Tahen ơm khĭt tâm lơh ta trong Bắc Sơn. Kao si bah mpôl hăn geh nchih: "Mbro mbrăng nkah gĭt ăp tahen ơm khĭt dăng janh"./.

Nuĭh rblang: Điểu Thân