Nkah ndray 79 năm Quốc khánh dak Cộng hòa xã hội chủ nghĩa Việt Nam (2/9/1945 - 2/9/2024), ôi 30/8, Mpôl đại biểu Ban Chấp hành Trung ương Đảng, Kruanh dak, Quốc hội, Chính phủ, Ủy ban Trung ương Mặt trận Tổ quốc Việt Nam hŏ an  kao si, lăp Lăng weh chop Kruanh Hồ Chí Minh.

Đah nuih n’hâm nkah gĭt dŭt n’hâm, ăp kruanh rđău kan Đảng, Ngih dak hŏ n’guh mbah nkah gĭt Kruanh Hồ Chí Minh, kruanh rđău kan dŭt têh blău, nuĭh dăng janh rklaih luh rnoi nuĭh, Nuĭh hŏ an du bông nău rêh an ƀon lan, an neh dak, têk ndrêng Đảng he, ƀon lan he ƀư jêng ăp nău dơi chrat ang, ƀư ntơr uĕh rnoi nuĭh he, neh dak he. Kao si bah Mpôl hăn geh nchih “Mbro mbrăng nkah gĭt n’hâm suan Kruanh Hồ Chí Minh têh kuâng". Kruanh Hồ Chí Minh hŏ hăn tĭng drô phan 55 năm, yơn siƀŭt nchih ntĭnh ntăn bah Wa way lah tơm sol chrat ang gung trong hăn an lam Đảng, lam ƀon lan n’hanh lam tahen he nâp dăng hăn chuat kalơ njăr trong cách mạng. Tĭng ƀư nău ntĭnh ntăn bah Wa, lam Đảng, lam ƀon lan, lam tahen he nsrôih, tĭng ƀư geh nău dơi ăp rnoh tât kan, nău dơn kan ma Nghị quyết Đại hội tâl XIII bah Đảng hŏ ndơ̆ luh.