VOV4.M'nông: Ôi 27/4, nkhêp nkah ndray 47 năm Nar rklaih luh miền Nam, dơn ngoăy neh dak (30/4/1975 - 30/4/2022), ôi 27-4, Mpôl đại biểu Ban Chấp hành Trung ương Đảng, Kruanh dak, Quốc hội, Chính phủ, Ủy ban Trung ương Mặt trận Tổ quốc Việt Nam ndrel ntơh măt ăp bộ, n'gâng kan trung ương n'hanh nkual ƀon têh Hà Nội hŏ an kao si, lăp Lăng chop Kruanh Hồ Chí Minh. Ta năp huêng săk Kruanh Hồ Chí Minh, Mpôl ntơh măt hŏ mpơl nău nkah gĭt dŭt n'hâm, nkah gĭt n'hâm suan têh kuâng bah Wa đah n'gâng kan cách mạng bah Đảng n'hanh rnoi nuĭh he. Wa hŏ n'groh an lĕ du nău rêh an ƀon lan, an neh dak, leo Đảng he, ƀon lan he ƀư jêng geh ăp nău dơi n'gloh ang. Nkao si bah mpôl hăn geh nchih: "Mbro mbrăng nkah gĭt Kruanh Hồ Chí Minh têh kuâng”. Lôch nê, Mpôl hăn hŏ tât an kao si, mpoh nhang nkah gĭt ăp tahen ơm khĭt ta Ndah rup nkah gĭt ăp tahen ơm dăng janh khĭt tâm lơh ta trong Bắc Sơn./.

Nuĭh rblang: Điểu Thân