VOV4.M'nông: Kêng măng 13/6, ta Jay Quốc hội, kruanh rđău kan Đảng, Ngih dak mâp măt ăp đại biểu Quốc hội khóa XV lah Nuĭh khoa học. Lah ta rơh mâp măt, Kruanh Quốc hội Vương Đình Huệ lah rjăp, tâm bah ri aơ, ăp nuĭh khoa học dak he lah đại biểu Quốc hội hŏ geh âk nău rgop tâm nău hun hao khoa học n'hanh công nghệ, wăng sa, rêh jêng kon nuĭh, rnă njrăng, njrăng n'gang neh dak.

Mpeh nău way trong kan, ăp nuĭh khoa học lah đại biểu Quốc hội hŏ ndrel đah Quốc hội hŏ nsrôih rgop tâm nău tĭng kơn lôch jêh nău way trong kan, tŏng đah nău ŭch geh dŏng, hun hao khoa học n'hanh công nghệ. Đah nău nsing nơm jru tâm nău gĭt blău, bôk rngok n'hanh lĕ nuih n'hâm bah ăp nuĭh khoa học lah đại biểu Quốc hội, Kruanh Quốc hội mpŏng lah, bol ta ah ntŭk gŭ kan, ma nău dơn kan bah nuĭh ntơh măt an ƀon lan; ma nău gĭt blău, bôk rngok, nău dơi n'hanh nău  tă ơm gĭt kan bah nuĭh khoa học; ma nău mĭn rôih dăng nkra bah nău jêr jŏt bah nuĭh Việt Nam, mbra geh tay ăp nău rgop tâm di tâm nău hun hao bah jâng khoa học n'hanh công nghệ dak nơm./.

Nuĭh rblang: Điểu Thân