Kêng măng lơ 19/6, Bí thư Trung ương Đảng, kruanh rnâng kan tuyên giáo  Trung ương Nguyễn Trọng Nghĩa leo mpôl pah kan Ban tuyên giáo trung ương tât khâl, rhơn ntŭk kan mpôl kan cán bộ, phóng viên, biên tập viên, phát thanh viên, nuĭh pah kan bâh Radio nău ngơi Việt Nam VOV di rơh kahgĭt 98 năm nar báo chí Cách mạng Việt Nam 21/6.

Uănh rnê VOV lah ngoăy tâm âk ntŭk kan báo chí tơm way geh âk nău rgâl mhe têh dăng gay ma ntrôl nău kan mbơh tơih, gay ma sóng bâh VOV hao ngai mô dơn ta neh kơh, gôl dak dak lêng, đah ƀon lan n’har bri, nkual njônh ngai n’hanh ngăn lah đah nuĭh Việt Nam gŭ ta dak bah dih, wa Nguyễn Trọng Nghĩa nkah mbơh: Mơh nău ma he lĕ dơi ƀư rĭ an nsrôih mât n’hanh an geh ƀư ueh lơn. Sóng VOV pơk ta Trường Sa n’hanh ta Tây Nguyên dŭt ueh ngăn. Yor aơ mô dơn lah nău ŭch djăt mô lah mbơh nău mhe ma hôm nha lah nău kan mât ngih dak, mbơh nău ƀư tơm bâh he, tâm vơt tâm kơl n’hanh mât njrăng âk nău tât êng đŏng..n’hanh ŭch ăp đồng chí an geh mât nâp trong hăn kơt nĕ.