VOV4.M’nông- Ôi nar 18/8, ta xã nkual njônh ngai Ea Sol, nkuăl Ea H’leo Dak Lak, geh ƀư nar tâm mâp lĕ ƀon lan mât đăp mpăn rnă njrăng ngih dak năm 2022”. Sĭt râng n’hanh ntoh ngơi ta rơh tâm mâp, Nguyễn Trọng Nghĩa- Bí thư Trung ương Đảng, kruanh rnâng kan tuyên giáo Trung ương kơp dơn n’hanh rnê ăp nău dơi geh ma Đảng bộ, n’gâng kan n’hanh ƀon lan xã Ea Sol lah êng tâm ban kơt n’gor Dak Lak lah nsum lĕ dơi geh tâm ba năp nơh.

Nkre lah, dăn đă gâl ủy, n’gâng kan ăp gâl bâh n’gor Dak Lak an geh ƀư tĭng ueh tay lơn, geh săk rnglăy ăp ntil săm ƀŭt ntĭm leo bâh Đảng n’hanh ngih dak. Rlău ma nĕ, he an geh way ndâk nsơm n’hanh n’hao nău kan bâh ăp bu ranh ƀon, nuĭh geh nău knơm tâm ƀon lan ăp mpôl rnoi, n’hanh ƀon lan phung chroh, ăp mpôl kan tơm khlăy bâh ăp ntŭk kan chính trị n’hanh lĕ ƀon lan nsrôih tât râng nău kan lĕ ƀon lan mât đăp mpăn njrăng ngih dak.

          Nuĭh rblang: Thị Đoắt