Kruanh rnâng kan văng sa Trung ương Trần Tuấn Anh mhe geh nar pah kan đah rđau kan n’gor Bình Dương mpeh nau rƀŭn lôch nau hun hao jâng văng sa rƀŏng tât xã hội chủ nghĩa. Bình Dương tâm rmpôt tơm bah lam dak mpeh nau rgum tơm prăk ntuh kơl tă bah dak ba dih đah rnoh bơi tât 4.200 nau kan, tơm prăk đăng ký rlau 40 rmen đôla, geh nklăp 65 rbăn ntŭk kan tâm dak đah rnoh đăng ký 29,5 rmen đôla. Nau geh du hê bôk nŭih bah n’gor âk ngăn lam dak. Rnôk aơ, Bình Dương dôl nchrăp hun hao công nghiệp tĭng nau mhe, blau, tâm dăch ma ntŭk ntu nsing tâm 3 n’gâng tơm lah:

N’gâng kan mhe-ƀon lan hăn nsum-ntŭk kan ƀư kan. Ntoh nau tâm nar pah kan, Kruanh Rnâng kan văng sa Trung ương Trần Tuấn Anh rnê prêh ăp nau tă geh dơi mpeh nau hun hao văng sa bah Bình Dương, lah ntŭk ang bah lam dak mpeh nau hun hao văng sa rƀŏng tât xã hội chủ nghĩa. Ăp nau kan têh bah Bình Dương hŏ geh nau rgop têh tâm nau ƀư jêh lý luận ndrel nau ngăn mpeh hun hao jâng văng sa ntŭk ntu tĭng nau rƀŏng xã hội chủ nghĩa bah dak nơm tâm 40 năm ma aơ./.