Ôi lơ 21/8, Kruanh Thượng viện dak Bỉ Stéphania D’hose ndrel ntoh măt dak Bỉ hŏ tât tach ndeh mpar Nội Bài (Hà Nội), ntơm rơh khâl ngăn Việt Nam ntơm lơ 21-25/8/2023 tĭng nau jă bah Kruanh Quốc hội Vương Đình Huệ. Việt Nam ndrel dak Bỉ ndâk nau tâm boh nchră nau 1973. Kơp ntơm rnôk ndâk nau tâm boh nchră nau, nau tâm boh vay ơm ndrel tâm boh ueh lăng đah 2 dak dôl geh hun hao ueh. Kruanh Thượng viện dak Bỉ Stéphanie D’Hose lah năch gưl prêh ngăn bah Bỉ hăn khâl Việt Nam tâm năm 2023.

Aơ lah rnôk ma bar dak nkah 50 năm nar ndâk tâm boh nchră nau (22/3/1973-22/3/20023) ndrel 5 năm tâm boh kan nsum tâm nau kan tuch tăm. Rơh khâl ntoh nau uănh khlay nau rđau kan bah Bỉ tâm nau tâm boh đah Việt Nam ndrel nthoi nau khâl bah Kruanh Quốc hội dak Bỉ tâm khay 9/2021. Rơh khâl gay ntrŭt dăng nau tâm boh kan nsum văng sa, tăch rgâl ndrel ntuh kơl đah Quốc hội Việt Nam ndrel Nghị viện Bỉ; n’hao nau tâm rgop đah 2 dak tâm nau tâm nchră âk ding kơt Liên hợp quốc, ăp ntŭk kan nghị viện tâm nkuăl ndrel lam ntur neh./.