Kêng măng 4/7, Kruanh UBND n’gor Lâm Đồng lĕ geh công điện đă Ban ntĭm rđău njrăng, n’gang trôk nar n’hanh joi kơl nău rmanh, kruanh ăp ngih pah kan n’hanh UBND ăp nkuăl, nkual ƀon têh tâm n’gor nchrăp njrăng n’gang pĭch rlâm, đăp mpăn nău rêh n’hanh drăp ndơ bah nuĭh ƀon lan bah năp, tâm yan mih.

Gay đăp mpăn nău rêh, n’hŭch tât đêt ngăn khuch khat đah drăp ndơ an nuĭh ƀon lan n’hanh ndơ ntung trong, ngăn lah tâm yan mih phŭt sial năm 2023, Kruanh UBND n’gor Lâm Đồng đă ăp ntŭk kan nchrăp ntĭm rđău, mbơh ƀư trong kan nchrăp njrăng, n’gang trôk nar lah nsum n’hanh pĭch rlâm lah êng. Ƀư tĭng rjăp tay, tŏng ăp, ngăch, di đah nu nău ngăn n’hanh ngăn ngên săk rnglăy ăp nkô̆ nău, nău kan tĭng ntĭm rđău bah Rnâng kan N’gor ủy n’hanh rlău 10 sam ƀŭt ntĭm rđău bah UBND n’gor bah năp nĕ. Mô dơi thơ tha, roh nău njrăng n’gang trôk nar n’hanh joi kơl nău rmanh.