Di rơh Kđăch Campuchia ndâk njêng Quốc hội khóa 7 n’hanh chính phủ năm kan tal 7 (2023-2028), Thủ tướng Chính phủ Phạm Minh Chính lĕ njuăl sam ƀŭt mbah rhơn Thủ tướng Hun Manet; Kruanh Quốc hội Vương Đình Huệ lĕ njuăl sam ƀŭt mbah rhơn Kruanh Quốc hội Khuon Sodary.

Tâm sam ƀŭt mbah rhơn, Kruanh Việt Nam nkoch nău nsing nơm đah nău rđău bah Thủ tướng n’hanh Kruanh Quốc hội mhe, Campuchia mbra dơi geh âk nău kan têh tâm trong ndâk njêng neh dak tâm rnglăp, đăp mpăn n’hanh hun hao uĕh lăng, geh nău ƀư tơm n’hanh jâng nsan nar lơ têh ta nkual n’hanh lam ntŭr neh. Kruanh Việt Nam nsing nơm tâm năm tât nău tâm boh oh nô uĕh lăng, dăch dêh way ơm, kan ndrel lĕ rngôch, nâp nâl jŏ jong đah Việt Nam n’hanh Campuchia mbra dơi nâp nâl n’hanh hun hao, yor nău geh bah nuĭh ƀon lan 2 dak, rgop dŭt n’hâm an nsum mpôl ASEAN, yor tâm rnglăp, đăp mpăn n’hanh hun hao bah nkual n’hanh lam ntŭr neh.