VOV4.Mnông- Ta Học viện Lục quân nkuăl ƀon têh Đà Lạt, n’gor Lâm Đồng, ăp ntŭk kan ta Quân khu 7 n’hanh n’gor Ninh Thuận lĕ geh ƀư rơh rƀŭn nchră ký n’hanh mbơh ƀư nău nchrăp kan tâm rgop ƀư tĭng Nghị quyết mbrô 35 bâh n’gâng kan chính trị mpeh n’hao nău mât nău kan nău mĭn mhe bâh Đảng, nău nsrôih lơh dun ăp nău mĭn mô tâm di, nău tâm nuih ta rơh mhe.

Tâm ba năp nơh, trong kan bâh ngih nti Đảng bâh Trung ương tât ntŭk kan ba dâng, ăp ngih nti tâm mpôl kan tahen, rnâng kan ntĭm leo 35 bâh ăp n’gor ủy, nkuăl ủy lah nsum, nkual Đông Nam bộ lah êng way geh uănh năl nsrôih lah dun ăp nău mĭn tih, tâm rkeh, mât nău mĭn kan tơm bâh Đảng lah nău kan chính trị tơm khlăy, an geh ƀư ndal n’hanh ngăch ndăn. Wa Nguyễn Tấn Vịnh, groi Giám đốc Học viện chính trị nkual 2 an lah, gay ma ƀư tĭng ueh ăp nkô̆ nău kan, trong kan n’hanh ntrong pah kan tâm Nghị quyết mbrô 35 bâh n’gâng kan chính trị, an geh uănh năl n’hanh ƀư tĭng an geh săk rnglăy ăp nkô̆ nău tâm rgop an tâm di ta rơh mhe aƀaơ.

Nuĭh rblang: Thị Đoắt