"Lĕ rngôch ăp trong ntĭt leo ƀư tâm kơt nti n’hanh ƀư tĭng nău Wa bah lĕ rngôch ăp gưl lam dak kơp tât khay 4 mhe aơ lah rlău 25.500 trong ntĭt leo”. Aơ lah nău lư dơi n’gluh ta rnôk tâm nchră lam dak ŭanh năl nô nău tĭng ƀư siƀŭt n’glôch jêh mbrô 01 bah Bộ Chính trị khóa XIII mpeh tĭng ƀư tay nău ntrŭnh mbrô 05” mpeh nău ntrôl dăng kơt nti n’hanh ƀư tĭng nău mĭn, nuih n’hâm uĕh lŏng, trong gŭ rêh Hồ Chí Minh” dơi Ban Tuyên giáo Trung ương ƀư nar ntri, 12/6.

Nău mbơh ta tâm nchră an saơ, kêng dŭt an tĭng ƀư siƀŭt n’glôch jêh mbrô 01 bah Bộ Chính trị khóa XIII tâm 02 năm aơ, ăp n’gor, nkual ƀon têh n’hanh ăp nhih pah kan Trung ương hŏ geh trong nchrăp đăm gĭt, an tĭng ƀư du trong răp jăp, ăp tŏng rêng. Bah nê ntoh âk trong ƀư nchrăp lor, ngăch ngăr, blău ƀư mhe, âk trong ntĭt leo ƀư mhe, trong ƀư uĕh ta âk n’gor, rgop ntrŭt ntrôl ƀư lôch jêh ăp rnoh tât wăng sa- rêh jêng kon nuĭh, đăp mpăn njrăng n’gang neh dak, rnă njrăng, tâm boh dak bah dih, rdâk njêng Đảng n’hanh lam trong kan chính trị. Kơp tât khay 4 mhe aơ, lam dak geh rlău 25.500 trong ntĭt leo êng êng tâm kơt nti n’hanh ƀư tĭng nău Wa. Tâm nê hŏ ƀư ntoh âk trong ntĭt leo mhe, blău ƀư mhe, trong ƀư uĕh ta âk n’gor…