VOV4.M’nông: Tâm 4 nar rlu lễ Quốc khánh 2/9, Đà Lạt-Lâm Đồng knŭng vơt geh 85 rbăn tŏ năch. Ăp nau kan ƀư pâl n’aih kŏ geh đăp mpăn. Tâm rnoh 85 rbăn tŏ năch pâl n’aih tât Đà Lạt-Lâm Đồng uănh, pâl rlu n’aih tâm rnôk lễ aơ geh nklăp 1.500 nŭih năch tă bah dak ba dih, 13.500 năch tâm dak nơm, tâm nê geh 60 rbăn nŭih năch gŭ bĭch măng. Do năch gŭ mô âk ri ma ma ntrong kan ăp ngih ân năch gŭ rlu mhe knŭng geh dơi leo lăp dŏng 65% nau dăng jrâu bĭch.

Tâm rnôk nar rlu lễ, Đà Lạt-Lâm Đồng mô geh nau nkol trong hăn, mô geh nkol trong ndeh ông tâm nklang nkuăl têh. Ăp nau kan pâl n’aih kơt lah ntŭk ngêt sa, ntŭk pâl n’aih, ntŭk hăn mêt uănh kŏ geh nau ueh nâm ơm, mô geh âk ir nŭih kơt ăp rơh bah năp nê. Tĭng Sở Văn hoá, Thể thao ndrel pâl n’aih Lâm Đồng, Rnoh năch tât ma Đà Lạt-Lâm Đồng mô geh lăng âk nŭih tâm rnôk rlu lễ yor âk nŭih năch tât tâm ăp dŭt pơh. Ngăn lah, 8 khay bôk năm aơ, rnoh năch tât Đà Lạt-Lâm Đồng hŏ geh rlau 5 rkeh tŏ, hao 153% rđil rơh aơ năm e./.

Nŭih rblang: H’Thi