VOV4.M'nông: Geh tât nău lơh n'hang êng bri mât dŏng mha êng gay ƀư trong Trường Sơn Đông, nar 14/2 Sở Nông nghiệp n'hanh Phát triển Nông thôn n'gor Lâm Đồng hŏ geh si ƀŭt mbơh ngăch tât UBND n'gor gay dăn đă Bộ Tổng Tham mưu, Bộ Quốc phòng rđău đă rlu dĭl nău ƀư trong.

Tĭng Sở Nông nghiệp n'hanh Phát triển Nông thôn n'gor Lâm Đồng, Chi cục Kiểm lâm n'gor hŏ ƀư tơm, kan nsum Hạt Kiểm lâm Lạc Dương, Vườn Quốc gia Bidoup - Núi Bà ƀư hăn ôp uănh ntŭk dôl ƀư trong gâl hăn rlău Trường Sơn Đông mpeh nkuâl Lạc Dương, n'gor Lâm Đồng tă bah Ban Mât trong nchrăp ƀư 46 – Bộ Tổng Tham mưu, Bộ Quốc phòng ƀư ntơh măt tơm nuĭh ntuh kơl. Na nê̆, lĕ rngôch njăr trong jong hŏ pơk lah rlău 3.3km, rĭng hvi măt trong nklăp 04m. Tâm nê, rnoh hvi neh hŏ rgâl dŏng neh bri jêng neh ƀư trong lah nklăp 2,3km. Geh rlău 1km trong hŏ ƀư ta neh bri mât dŏng mha êng mô hŏ geh si ƀŭt an rgâl dŏng./.   

Nuĭh rblang: Điểu Thân