UBND n’gor Lâm Đồng dôl nsrôih ƀư lôch jêh ăp siƀŭt tâm di gay ndơ̆ 2 trong cao tốc Tân Phú -Bảo Lộc n’hanh Bảo Lộc-Liên Khương ntơm ƀư di tâm rnôk 2/9 tât. Tâm 2 trong nchrăp, Cao tốc Tân Phú - Bảo Lộc geh rnoh jong nklăp 66km, lĕ rngôch rnoh ntuh kơl 17.200 rmen prăk.

Nthoi tay đah trong nchrăp kan dja lah Cao tốc Bảo Lộc -Liên Khương, jong 74km, lĕ rngôch rnoh ntuh kơl nchrăp lah 19.521 rmen prăk. Tĭng wa Ngô Văn Ninh, Chánh Văn phòng, nuĭh ntơh ngơi UBND n’gor Lâm Đồng, 2 cao tốc tâm nthoi nsum lah njăr trong me tơm, buăt nthoi tăch rgâl bah n’gor Lâm Đồng đah ăp n’gor mpeh bah dâng. Rnôk ƀư lôch jêh mbra njêng suan ntrôl têh ntrŭt ntrôl hun hao wăng sa- rêh jêng kon nuĭh. Aƀaơ n’gor dôl ntrôl ngăch ƀư lôch jêh ăp siƀŭt tâm di, an ntăm n’gâng, đă ntrơn du gay ngăch ndơ 2 trong cao tốc dja rdâk njêng ntơm bah lễ 2/9 tât.