Ntơm bah khay 6 tât aƀaơ, nkual aơ lĕ geh 8 tơ̆ pĭch rlâm neh nkre đah lŭ yôk rnôk trôk mih, geh ma nău roh đăp mpăn an nuĭh n'hanh ndeh rklư. Rlău ma nău uănh năl, mpêr n'gar prêh nklăp 20/25m, jong nklăp 120m; neh ntu lah neh rlŭk lŭ yôk, lĕ mô đăp mpăn lĕ rngôch, dơh plơ̆ pĭch rlâm tay rnôk mih têh.

Trong nchrăp nkra lah ntrơn jŭr lŭ ta nkual pĭch rluh, lôch nê ntrŭp nâp đah dĭng lŭ, cáp lŭ, dĭng lŭ địa kỹ thuật n'hanh đinh neo lŭ ... Dĭng lĕ prăk nchrăp nklăp 15.64 rmen prăk, tâm pă bah tơm prăk njrăng, n'gang trôk nar lơh năm 2025 hôm ƀa ƀă n'hanh tơm prăk rgâl bah du đêt ndơ ƀư êng. Bah năp nê, mih têh ƀư lŭ ntơm bah taluy dương yôk Prenn rluh jŭr măt trong, ƀư kol trong hăn. Nar 22/9, UBND n'gor Lâm Đồng mbơh nu nău ndal mpeh trôk nar lơh ta nkual dja.