Lơ 14/3, UBND n’gor Lâm Đồng ntrŭnh nau ndâk rmôt kan mêt uănh ăp nau kan tâm nau leo dŏng đah ăp nau kan nchuăn rdeng, tăch dak pring xăng gay ma n’hao nau kan njrăng, rdâng nau kan tăch rgâl, njrăng rdâng nau roh rui prăk soay. Tĭng nê, rmôt kan ăp nau kan bah n’gor Lâm Đồng geh dơi nsrŭng ăp bôk ndeh nchuăn rdeng dak pring xăng tâm ăp trong ăp ntrong hăn bah n’gor gay ma mêt uănh.

Rnôk saơ mô lah ntôn geh nau tih tât pháp luật, rmôt kan mêt uănh dơi đă leo ndeh klơ ndrel ndoh ndơ tât ntŭk kan N’gâng kan soay êp nê ngăn gay ma ƀư ăp nau kan geh tât, uănh năl kloh nau kan geh tih hành chính tĭng nau ntrŭnh. Rmôt kan mra geh ƀư nau kan tâm lôch măng nar, geh mông nar gay ma ƀư kơp ntơm lơ ¼ tât lôch khay 12 năm 2023. Lâm Đồng rnôk aơ geh rlau 330 bah năch dŏng ƀư nau kan tăch rgâl dak pring xăng tâm nau mât dơi bah 220 ntŭk dôl ma ƀư nau kan./.