Lâm Đồng n’huch bâh 12 jur hôm 10 ntŭk kan hành chính gâl nkuăl.
Thứ sáu, 10:02, 06/09/2024
VOV Tây Nguyên/Nuĭh rblang: Thị Đoắt
VOV Tây Nguyên/Nuĭh rblang: Thị Đoắt
VOV4.Mnông: Kêng măng lơ 5/9, HĐND n’gor Lâm Đồng ƀư rơh rƀŭn nchră tal 18 gay ma tâm rgop mbơh an dŏng nghị quyết lăp kan ndrel 3 nkuăl mpeh ba dâng bâh n’gor jêng du nkuăl mhe.
Tĭng nghị quyết geh mbơh tơih, lĕ rngôch nkual neh pah kan 3 nkuăl Đạ Huoai, Đạ tẻh, Cát Tiên bâh Lâm Đồng lăp kan ndrel jêng du nkuăl mhe geh ntơ lah nkuăl Đạ Huoai. Ta năp nĕ, Lâm Đồng ƀư sŏk nău tâm rgop, nău geh rlău 96% ƀon lan bâh 3 nkuăl tâm ban ŭch đah nău ntrŭnh lă kan ndrel aơ. Lôch geh lăp kan ndrel, nkuăl mhe Đạ Huoai geh rnoh neh ơm geh rlău 1.448km vuông, rnoh nuĭh rlău 146 rbăn nuĭh, tâm nĕ geh ƀon lan rnoi đê̆ geh rlău 22%. Ntŭk kan nkuăl Đạ Huoai mhe geh an ntŭk kan ta nkuăl Đạ tẻh, nkuăl Đạ tẻh ơm. Di rơh aơ, HĐND n’gor Lâm Đồng lĕ geh mbơh tơih bâh nău njêng 5 xã mhe bâh ntŭk lăp kan ndrel ta 2 xã jêng ngoăy.
Viết bình luận