VOV4.M'nông: Ôi (8/4), ta nkual ƀon têh Đà Lạt, UBND n'gor Lâm Đồng ƀư Tâm nchră n'glôch jêh trong leo ƀư tâm rlong năm 2021, rgŏ jă n'hanh ký ton tâm rlong năm 2022. Tâm nchră geh Groi kruanh dak Võ Thị Ánh Xuân, Groi kruanh bôk năp Hội đồng tâm rlong nkhôm rnê Trung ương tât râng. Lah ta rnôk tâm nchră, wa Trần Đức Quận, Ủy viên Ban chấp hành Trung ương Đảng, Bí thư Tỉnh ủy, Kruanh HĐND n'gor Lâm Đồng an lah, bol hŏ geh âk nău dơi uĕh yơn trong leo tâm rlong rŏng dak bah n'gor hôm geh âk rbăn lhơ đŏng.

Gay ƀư bah, ndơ̆ trong leo tâm rlong rŏng dak bah n'gor geh âk nău dơi lơn ăp gưl ủy đảng, n'gâng kan ân geh ăp trong nkra na nê̆ n'hanh ngăn ngăn. Nkhêp geh rnôk dja, ntơh măt Hội đồng tâm rlong nkhôm rnê Trung ương, Groi kruanh dak Võ Thị Ánh Xuân hŏ ntăm an Huân chương Độc lập hạng nhì, Huân chương Bảo vệ Tổ quốc hạng nhì n'hanh ăp huân chương Lao động hạng nhất, nhì, ba an 24 nuĭh n'hanh 8 mpôl geh nău dơi âk tĭng ƀư trong leo tâm rlong rŏng dak ta n'gor./.

Nuĭh rblang: Điểu Thân