UBND n’gor Lâm Đồng mhe geh nau ntrŭnh đă ăp ntŭk kan, rmôt kan tâm n’gor ƀư ân tâm ban ăp ntrong kan, nsôih ntrŭt dăng ngăch nau pă tơm prăk ntuh kơl nsum năm 2023. Rnoh nau nchrăp nau ntuh kơl nsum năm 2023 bah n’gor Lâm Đồng rlau 8000 rmen. Ndrel tât rnôk aơ knŭng mhe geh pă rlau 3.500 rmen, geh 43% rđil nau nchrăp.

Bah năp nau kan tơm prăk ntuh kơl nsum mbrơi, UBND n’gor Lâm Đồng đă ăp ntŭk kan, rmôt kan geh tât ndal kơp uănh ndrel nchrăp luh ăp nau kan tâm dăch đah nau ngăn bah ăp ntŭk kan, nau kan. Tâm nau nê, vay uănh n’ôi, bonh đă gay n’hao nau ƀư, nau pă tơm prăk kan. Tĭng wa Trần Văn Hiệp, Kruanh UBND n’gor Lâm Đồng, gay ƀư dơi nau aơ, êp nau đă bah ăp tơm ntuh kơl ton ƀư ân ngăch nau kan, n’gor mra nsing tâm nê gay ma dăp rgum cán bộ, công chức mpeh rnoh geh dơi bah nau kan./.