VOV4.M'nông: Ôi 29/8, ta Nkual ƀon têh Đà Lạt, Hội Khuyến học Lâm Đồng n'hanh Ban trị sự Giáo hội phật giáo Việt Nam hŏ ƀư rơh pă an học bổng n'hanh nklâm ndơ an kon se nti, sinh viên ach o jăp gơih nti blău nkhêp geh khai giảng năm năm nti mhe 2022-2023.

Rlău 50 nklâm học bổng rnoh khlay ăp nklâm ndơ 1 rkeh prăk dơi pă an ăp kon se nti, sinh viên ach o jăp gơih nti blău ta nkual ƀon têh Đà Lạt n'hanh nkuâl Lạc Dương, Hội Khuyến học Lâm Đồng n'hanh Ban trị sự Giáo hội Phật giáo Việt Nam hôm pă an 200 nklâm ndơ lĕ ma prăk măt n'hanh ăp ndơ dŏng sa khlay an kon se nti, sinh viên, nuĭh quet nte, cheh măt, rnăk geh nău rêh jêr jŏt. Tâm nê, 50 nklâm ndơ ntêm an nuĭh rnoi mpôl đê̆ ach o ta xã Phi Liêng, nkuâl Đam Rông, n'gor Lâm Đồng. Aơ lah rnoh prăk tă bah nuĭh lŏng nuih n'hâm way kơl ndơ ta nkual rgop./.

Nuĭh rblang: Điểu Thân