Lâm Đồng mâp âp nau jêr tâm nau pă tơm prăk ntuh kơl nsum, rnôk aơ mhe geh tâm dâng 70% nau kan. UBND n’gor Lâm Đồng dôl ma rđau rjăp, ntrŭnh ƀư ăp nau kan rjăp gay ma nsôih n’hao rnoh geh pă tơm prăk kan geh rlau 95% tâm năm aơ. Năm 2022, lôch nau nchrăp tơm prăk ntuh kơl nsum bah n’gor Lâm Đồng geh pă ntop lah bơi tât 6.500 rmen gay ma nkra 350 nau kan. Tâm nê, geh 722 rmen lah tơm prăk ntop jong tă bah năm 2021 ntrơn tât.

Kơp tât lơ 15/11, n’gor mhe ndơn pă tơm prăk geh 3.694 rmưn prăk, geh 68,5% nau nchrăp. Bah năp nau tơm prăk ntuh kơl nsum tâm n’gor ntuh kơl mbrơi, wa Trần văn Hiệp, Kruanh UBND n’gor Lâm Đồng mbơh mra nsôih rklaih nau kan đah ăp tơm ntuh kơl lah mô đăp mpăn tơm prăk tĭng di nau nchrăp. Tât dŭt năm, ntă dê rmôt mô geh dơi pă tơm prăk ri đă rhuăt lơi tơm ntuh kơl ndrel mô pă tay, ndơn ntŭk ƀư nau kan mô năn jêh. Ndrel nau kan ndơn lah mpeh Kruanh ndrel giám đốc ăp n’gâng kan, ntŭk kan./.