VOV4.M’nông- Bâh năm 2018 tât aƀaơ, ntŭk kan têh n’gor Lâm Đồng geh saơ n’hanh nchih săm ƀŭt rhŏ rmal rlău 1 rbăn rơh muĭh kăl bri, đah lĕ rnoh neh bri khuch khat rlău 223ha. Êng n’gul bôk năm 2022, geh 80 rơh, rnoh neh bri khuch roh hao bơi tât 30% đah khay aơ năm 2021.

Tĭng ntŭk kan tuch tăm mât rong n’hanh hun hao ƀon lan n’gor Lâm Đồng, dŭt âk rnoh neh bri roh ta rnoh neh lĕ geh pă an doanh nghiệp mât uănh yơn lah mô geh mbơh ƀư nău nchrăp kan, mô lah geh mbơh ƀư yơn lah mbrơi, mô geh pă tŏng rnoh mât uănh. N’gor lĕ răng dăng sŏk mplơ̆ 208 nău nchrăp kan bâh ăp doanh nghiệp đah lĕ rnoh neh rlău 30 rbăn ha. Nkre lah mĭn uănh, dŏng an công nghệ mhe ta nău mât uănh, n’hao săk rnglăy pah kan mât uănh bri bâh ăp doanh nghiệp ta ntŭk. Wa Ngô Văn Ninh, Chánh văn phòng, nuĭh ntoh ngơi bâh UBND n’gor Lâm Đồng an gĭt, n’gor dôl geh dŏng an tâm ban âk trong kan răng dăng gay ma mât uănh bri.

Nuĭh rblang: Thị Đoắt