VOV4.Mnông-Tĭng nău mbơh bâh ntŭk kan văn hóa thể thao n’hanh pâl nđaih Lâm Đồng, ta rơh tết Nguyên đán Nhâm Dần 2022 bâh nar 29 khay chạp tât nar 6 tết,Lâm Đồng geh vơt rlău 300 rbăn năch pâl nđaih vơt rhơn tết, rlu rlău, hao rlău 566% năch đah rơh tết Nguyên đán Tân Sửu năm 2021. Tâm nĕ, năch gŭ rlu geh 120 rbăn năch n’hanh năch dak bah dih geh 1.900 nuĭh, dŭt âk rgum sĭt ta nkuăl ƀon têh Đà Lạt. Rnoh năch dŭt âk ta ăp nar lơ 2 tât lơ 6 tết, rnôk dŭt âk ăp ntŭk gŭ rlu ta ntŭk mlĕ geh rlău 95% rnoh geh ntuk rlu. Năch hao âk ndal, geh rnôk mô geh ntŭk gŭ, rnoh ntŭk gŭ rlu hao bâh 30 tât 40% đah nar êng yơn nău mât kơl vơt năch lĕ geh đăp mpăn. Aơ lah nău ueh gay ma n’gâng kan pâl nđaih bâh n’gor geh rnoh hun hao ngăch dăng tâm nău kơt ơm mhe.

Nuĭh rblang: Thị Đoắt