VOV4.M’nông – Jêh 3 nar ƀư n’gŭr răm đah âk nău kan geh nkô̆ “Lễ hội Sầu riêng Krông pắc rơh bôk năp-2022” lĕ lôch măng 3/9. Ƀư bah nar 1/9 tât 3/9, lễ hội lĕ wăch rgum nklăp 40 rbăn nuĭh năch tât Krông Pắc. 15 nău ƀư khlay bah lễ hội geh âk nău uĕh gay n’glơi an đah năch.

Ƀư n’glôch jêh lễ hội sầu riêng

Tâm nĕ, Rgum mpla nkoch ăp ndơ lŏ mir đah 200 ndrơng ndơ bah ăp doanh nghiệp, hợp tác xã nkra njêng, nkret njêng, tăch n’gluh ndơ lŏ mir tâm n’hanh bah dih n’gor râng wăch rgum nău uănh bah rlău 10 rbăn nuĭh năch tât uănh nsong. “Rƀŭn nchră ntrŭt ngăch kuăl jă ntuh kơl n’hanh hun hao ndơ lŏ mir, tuch ătm nâp nâl nkuăl Krông Pắc-năm 2022), UBND nkuăl Krông Pắc lĕ ký sam ƀŭt đah ăp doanh nghiệp ký ntuh kơl 24 nău nchrăp ƀư tâm ăp ntil pâl nđaih, ntĭm nti, ntung trong, rgum công nghiệp, nkre njêng ndơ lŏ mir đah rlău 1.000 rmen prăk.

Nuĭh rblang: Y Sưng Phê Ja