VOV4.Mnông- Ta năp nău tât jêr njrăng bâh nuh srê Covid-19, rnoh nuĭh F0 hao ngăch tâm ntŭk rêh jêng, bâh nar 1/3 lĕ rngôch kon hoc nti jrô 9 n’hanh 12 ta nkuăl ƀon têh Buôn Ma Thuột, n’gor Dak Lak mô hôm hăn nti ta ngih nti n’hanh plơ̆ nti trực tuyến tay. Ăp nar dăch aơ, rnoh nuĭh ntưp Covid-19 ta nkuăl ƀon têh Buôn Ma Thuột hao âk tay, rnoh nuĭh F0 mât săm êng ta jay geh rlău 99% lĕ rnoh nuĭh ntưp, ntŭk kan ntĭm n’hanh nti nkuăl ƀon têh lĕ geh ôp nău đah UBND nkuăl ƀon têh tâm nău rgâl nti ta ngih nti jêng nti trực tuyến đah lĕ rngôch ăp gâl nti, nđâp ma kon hoc nti jrô 9 n’hanh 12 bâh nar 1/3 tât geh nău mbơh mhe.

Gay ma mât njrăng săk rnglăy nău nuh srê n’hanh mât đăp mpăn ueh di nău ntĭm-nti, UBND nkuăl ƀon têh Buôn Ma Thuột đă ntŭk kan ntĭm nti nkuăl ƀon têh rgum lĕ rnoh cán bộ, nai nti n’hanh kon hoc geh nău ntưp đah Covid-19 ta năp 17 mông ăp nar. Nkre lah leo kan, tâm rgop đah ăp ntŭk kan geh tât, mbơh ôp nău rgâl trong kan ntĭm nti njrăng nuh srê ta ăp ngih nti an tâm di đah nău mhe.

Nuĭh rblang: Thị Đoắt