VOV4.M’nông: Điện lực Dak Nông mhe ƀư jêh nau hăn uănh, leo lăp dŏng ntrong pă điện, kơl an 360 rbăn ƀon lan tâm thôn Đắk Lang, xã Quảng Khê, nkuăl Đăk Glong. Aơ lah nkuăl jru, nŭih ƀon lan rêh tâm nkhah tĭng rkŭm, nau rêh hôm mâp âk nau jêr jŏt yor mô geh điện mpoh ang ndrel điện dŏng. Tŏng dơi nau ŭch kâp rnơm bah ƀon lan PC Dak Nông hŏ ntuh kơl trong điện bah neh dak sĭt tâm thôn Đắk Lang, geh:

Ndâk mhe 4 trạm biến áp, bơi tât 2,5 km trong trung áp, 5,8 km trong hạ áp, rnoh tơm prăk ntuh kơl rlau 3,5 rmen. Bah nau kan, kônh wa tâm thôn hŏ pơk trong ueh mpeh nau ntrơn ntŭk, kơl an ndâk n’gâng điện, têk rse...gay ma nau kan geh ngăch jêh.

Nau kan leo điện neh dak tât ăp nkuăl nŭih rnoi mpôl đê̆, nkuăl jru, nkuăl ngai lah nau nsôih ngăn bah PC Dak Nông ndrel nau tâm rgop ueh ngăn bah nkuăl. Kan pă điện geh nau khlay tâm nau ndâk njêng ƀon lan mhe, rgop nau kơl an ƀon lan hun hao văng sa, n’huch ach o ndrel n’hao nau rêh./.

Nŭih rblang: H’Thi