VOV4.M’nông: Rơh rƀŭn tal 4, Quốc hội gưl 15 mra rgum nchră tâm 21 nar pah kan, ntơm ƀư tâm ôi lơ 20/10 ndrel lôch tâm kêng măng lơ 16/11. Aơ lah nau geh mbơh bah ntŭk kan Quốc hội tâm rơh rƀŭn mbơh kêng măng 17/10. Tâm rơh rƀŭn aơ, Quốc hội nchrăp nchră 07 nau nchrăp Luật, 03 nau ntrŭnh. Quốc hội kŏ rgop nau 07 nau nchrăp Luật, tâm nê ngăn lah nau nchrăp luật neh ntu (rgâl nkra). Uănh ăp nau mbơh mpeh: Nchră nau tă geh dơi ƀư nau nchrăp hun hao văng sa, rêh jêng, nau nchrăp tơm prăk Ngih dak, nau nchrăp ntuh kơl nsum tơm prăk Ngih dak. Quốc hội uănh nkô̆ nau “Ƀư nau ntrŭnh, pháp luật mpeh nau têm nkrem, rdâng mpŭng lir lvang năm 2016-2021. Geh tât nau dak pring Xăng rơh rlau aơ ƀư ji nuih tâm ƀon lan, Groi Kruanh Uỷ ban văng sa bah Quốc hội Nguyễn Minh Sơn lah rjăp nau Chính phủ ân rđau gay ăp ntŭk kan ndâk ƀư tay nau rđau rnoh tăch rai ân tâm di lơn, nkre đăp mpăn nau geh jêng bah ƀon lan, ntŭk kan kŏ kơt lah nau dơi bah ăp nŭih tăch rgâl luh bah dih dak ndrel tăch rai dak pring xăng./.

VOV/Nŭih rblang: H’Thi