VOV4.M’nông: Jêh 3 nar pah kan đah nau kan ƀư tơm ndrel rjăp, ôi lơ 11/3, Đại hội ntoh măt bu ur lam dak tal 13 hŏ rƀŭn lôch. Đại hội hŏ yơr ty nchră luh nau ntrŭnh Đại họi 13 Rmôt bu ur Việt Nam đah nkô̆ nau: ƀư ueh nau vay ơm, nuih n’hâm tâm rnglăp, blau mhe, nchră tâm rnglăp, gĭt kloh ƀư tơm bah ăp gưl bu ur, ndâk ƀư rmôt ân nâp rjăp, nsôih ndâk njêng Đảng, ndâk njêng ntrong kan chính trị, mât nau dơi ndrel nau geh jêng bah bu ur. Nsôih tât năm 2030, di nkah 100 năm nar ndâk rmôt Bu ur Việt Nam, lah rjăp nau dơi ƀư lor tâm nau kan yor nau geh jêng bah bu ur, geh nau dơi tâm nkuăl ndrel lam ntur neh, rgop nau ƀư geh nau dơi nkô̆ nau hun hao bah neh dak. Nau ntrŭnh kan nchrăp nkô̆ nau ăp năm kơl an 33.500 rnăk bu ur rklaih ach o, rklaih êp ach o, kơl an n’hao nau dơi ân 17 rbăn bu ur lah tơm ntŭk kan tăch rgâl, mât nau tâm boh, rnặk ƀư kan tăch rgâl, tât lôch năm kan, bonh đă, kơl an ndâk mhe 350 ntŭk tâm boh nau kan geh bu ur râng mât. Ăp năm, ăp ntŭk rmôt kan bonh đă, kơl an tay 5 rnăk geh dơi nkô̆ nau “rnăk vâl 5 mô, 3 kloh” mô lah “rnăk vâl 5 geh, 3 kloh”./.

Nŭih rblang: H’Thi