VOV4.M'nông: Văn phòng Rnâng kan Ƀan rđău đă gưl neh dak mpeh njrăng n'gang trôk nar lơh mhe geh si ƀŭt njuăl Ƀan rđău đă njrăng n'gang trôk nar lơh n'hanh kơl joi nuĭh ăp n'gor, nkual ƀon têh ntơm bah Thừa Thiên Huế tât Khánh Hòa n'hanh Tây Nguyên mpeh lor nchrăp rdâng lơh đah mih têh, sial rvănh brông, n'glai, mih tŭp pler, sial phŭt dăng, dak bŭk, dak băm, dak rchoh, pĭch rlâm neh. Nkô̆ si ƀŭt njuăl dăn đă ăp n'gor, nkual ƀon têh mhe nkoch bah lơ nê rgum nkra bah trôk nar lơh ta nkual miền Trung tĭng nău rđău đă bah Thủ tướng Chính phủ ta si ƀŭt njuăl mbrô 298. Leo ƀư groi nđôi tay lhăt nău tât trôk nar lơh, rđău đă, an ƀư ăp trong rdâng lơh năn ngăch gay hŭch bah khuch khat, tâm nê rgum tĭng ƀư. An mpôl kan hăn ôp uănh lor ăp nkual meng dak me, dak diăng, geh ma nău dak bŭk, dak rchoh, pĭch rlâm neh gay lor nchrăp ntrơn du nuĭh ƀon lan rnôk geh nău tât. Nđăp tay, nchrăp n'hoch djoh dak dak trăm đăp mpăn an nău kan tuch tăm.../.

Nuĭh rblang: Điểu Thân