Nkhêp nkah ndray 50 năm nar njêng tâm boh Việt Nam n’hanh Nhật Bản, ta Hà Nội mhe ƀư rơh mâp măt cán bộ kruanh mât bôk  kan tă râng kơi năp nti ta Nhật Bản. 

Lah ta rơh mâp măt, Rnâng kan Ban Bí thư Trương Thị Mai lah rjăp: Rlău 50 năm njêng tâm boh tâm brê, tâm boh Việt Nam - Nhật Bản nar lơn ma uĕh lăng, hun hao jru hvi ta âk trong kan ntơm bah wăng sa, tăch rgâl, tơm nuĭh kan.... Lơn lah nău kan tâm boh mpeh ntĭm nti, kơi năp nti cán bộ kruanh mât bôk kan ăp gưl tâm bah ri aơ lah trong ntoh ang tâm boh tâm rnglăp đah bar dak. Ntơm bah năm 2013 tât năm 2016, Nhật Bản hŏ ntop kơl ntĭm nti 6 jrô nti đah 500 nuĭh nti. Ntơm bah năm 2018-2023, Chính phủ Nhật Bản kơl 500 học bổng kơi năp nti glêh nar n’hanh jong dah găp, 300 học bổng thạc sĩ, 25 học bổng tiến sĩ an Việt Nam.