Kêng măng 2/1, Đảng uỷ Nhih pah kan Ban Tuyên giáo Trung ương ƀư Mâp măt nkah ndray 94 năm Nar njêng Đảng cộng sản Việt Nam n’hanh Lễ ntăm an Huy hiệu Đảng. Đah aƀaơ 94 năm, nar 03/02/1930, Đảng Cộng sản Việt Nam dơi njêng , ntơm jâng chuat dŭt khlay tâm lịch sử cách mạng dak he. Lôch bơi 40 năm rgâl mhe, neh dak he hŏ geh âk nău dơi têh kuâng, geh nkô̆ khlay lịch sử.

Ntơm bah du  neh dak ach o, rluk mâl, Việt Nam hŏ nsan hao jêng dak dôl hun hao, nău rêh drăp ndơ n’hanh nuih n’hâm bah ƀon lan dơi rgâl geh. Lah ta rơh mâp măt, Kruanh Ban Tuyên giáo Trung ương Nguyễn Trọng Nghĩa lah kloh: Năm 2024, gay ƀư lôch jêh uĕh nău dơn kan; ntik n’hao tay nău khlay kan bah Ban Tuyên giáo Trung ương đah pah kan rdâk njêng Đảng, he ân ntik n’hao uĕh  ăp nău dơi, nău tă ơm gĭt kơt nti hŏ geh, nkra bah ăp nău  mpăng đêt, rbăn lhơ nchiăng khan. Nkhêp  geh rnôk dja, 4 nuĭh đảng viên bah Đảng bộ nhih pah kan Ban Tuyên giáo Trung ương hŏ dơn Huy hiệu 40 năm Đảng n’hanh Huy hiệu 30 năm Đảng.