VOV4.M’nông- Nar 15/3, rnâng kan leo kan Trung ương ƀư rơh rƀŭn nchră mât uănh, mbơh tơih ƀư tĭng nău ntrŭnh mbrô 58 bâh n’gâng kan chính trị “Du đê̆ nău mât chính trị ta ntŭk kan Đảng” n’hanh sŏk nău tâm rgop mpeh nău nchrăp ntĭm mbơh mpeh ƀư tĭng nău ntrŭnh. Nău ntrŭnh mbrô 58 mpeh mât đăp mpăn chính trị ta ntŭk kan Đảng geh 7 nău mhe, tâm nĕ dŭt nkah ngăn lah nău ntrŭnh ntop rnoh pă đah ăp nău pă kan cán bộ, đảng viên geh nău chính trị jêr yon mô geh ƀư tih nău ntrŭnh aơ”.

Ntoh ngơi ta rơh rƀŭn nchră, wa Trương Thị Mai- kruanh rnâng kan leo kan trung ương lah na nê̆: Mât đăp mpăn chính trị ta ntŭk lah nău tơm khlăy, an geh nău kan na nê̆ gay ma mât đăp mpăn chính trị ta ntŭk mô dơn an Đảng ma hôm nha lah nău kan chính trị bâh Cán bộ, đảng viên. Yor nĕ, an geh mĭn uănh tay, mât uănh ƀư tĭng gay ma dơn ngoăy mpeh nău gĭt vât, gĭt na nê̆ mpeh nău mĭn kan ê lor geh hăn lăp rklaih ăp nău ngăn na nê̆.

Nuĭh rblang: Thị Đoắt