VOV4.Mnông -N’gâng kan tuch tăm mât rong n’hanh hun hao ƀon lan mhe geh nău nchŏng đa mpeh nău leo ƀư Tết Nguyên đán Nhâm Dần 2022. Tĭng nĕ, kruanh n’gâng kan tuch tăm mât rong n’hanh hun hao ƀon lan đă ăp ntŭk kan bâh n’gâng kan tuch tăm mât rong n’hanh hun hao ƀon lan ăp n’gor, nkuăl ƀon têh bâh trung ương mât uănh an geh ăp ntrong kan răng dăng tâm nău uănh nđôi, uănh năl ntŭk tăch rgâl ta ntŭk, ngăn lah mât đăp mpăn kloh ueh ndơ sông sa ta ăp ntŭk tăch ndơ tu tơm mpeh bum plăy, ntŭk tăch rgâl ndơ sa, biăp, bum ,plăy kơl an ta nar tết, rmal ăp nău ƀư tih gay ma mât đăp mpăn nău ueh kloh đăp mpăn ndơ sa kơl an tâm nău dŏng sa ta rơh tết Nguyên đán. Uănh nđôi na nê̆ nău pă, nău  ŭch mpeh ndơ sông sa, ndơ dŏng khlăy ta rơh tết gay ma geh ntrong kan mât njrăng ngăch mô an geh nău mô tŏng ndơ, hao khlăy ndơ, mât đăp mpăn tâm di đah nău ŭch dŏng ndơ bâh nuĭh ƀon lan ta năp, tâm n’hanh lôch rơh tết Nguyên đán. Nkre lah, ntrŭt đă nău pah kan jan sa, tăch rgâl, tăch rvăt n’hanh tăch ndơ bum mbo tâm rnôk geh njrăng, rdâng nuh srê Covid-19.

Nuĭh rblang: Thị Đoắt