Lơ 26/6, UBND n’gor Lâm Đồng geh nau đă Rnâng kan mât bôk nau kan tronh hăn n’gor n’hao nau mât đăp mpăn rnôk pah kan, njrăng rdâng nau rluh neh ndrel ntrŭt dăng nau ngăch ƀư nau n’hao, nkra pơk hvi yôk Prenn Đà Lạt. Tĭng UBND n’gor Lâm Đồng, yor nau tât mih nar mô ueh, mih têh ndrel đah trong yôk Prenn Đà Lạt geh sop jru, yôk jong, prêh, nkêng mô măt trong ri nơih geh rluh rlăm neh ndrel mra jêng roh đăp mpăn tâm ntŭk nkra. Gay nau kan ƀư jêh tĭng nau nchrăp, đăp mpăn nâp ueh tâm rnôk nkra.

 UBND n’gor Lâm Đồng đă Rnâng kan mât ƀư trong hăn n’gor bonh đă rmôt kan ƀư ueh nau ndăn nŭih kan, ndơ dŏng ntrŭt ngăch nau nkra. Tâm nê, ƀư rjăp ăp nau kan mât ueh nau pan kan, pă rmôt ƀư kan ân năn kơl an, nkah mbơh lah geh tât nau khuch. Ndrel ma nê, trong hăn, điện mpoh ang, trong ƀư kan, trong nder khuch, đăp mpăn rnăk kloh, ueh ntŭk kan...gay rnôk geh leo lăp dŏng ngăn trong tă bah ntŭk pâl n’aih Datanla tât bôk yôk Prenn (tâm êp ma ntŭk kâp ndeh bah n’gor) bah năp lơ 30/7/2023./.