Rơh tât khâl geh âk nău khlăy, ngăn lah gay ma kahgĭt 50 năm njêng nău tâm boh kan nchră nău đah dak bah dih bar dak (1973-2023). Tĭng nău nchrăp kan, ôi lơ 4/4, ta Hà Nội, nuĭh mât lĕ rngôch nău kan mbra an kao si ta rup nkah kahgĭt ăp tahen khĭt tâm lơh kăl e, an kao si ta Lăng kruanh Hồ Chí Minh.

Lôch nĕ, kruanh dak Võ Văn Thưởng mbra leo rơh vơt ngăn n’hanh tâm nchră đah nuĭh mât leo kan lĕ rngôch ta ntŭk kan kruanh dak. Ndrel nar, nuĭh mât leo lĕ nău kan Australia David Hurley mbra tâm nchră ngơi đah Thủ tướng chính phủ Phạm Minh Chính, kruanh Qh Vương Đình Huệ. Tĭng Đại sứ Australia, rơh tât khâl bâh wa mât lĕ rngôch nău kan mbra ntop n’hao nău tâm rgop kan 2 dak ta lĕ rngôch ăp gâl kan, ndâk nsơm nău knơm trong kan đah 2 ngih dak, lah nău ntoh lư tâm năm kahgĭt dŭt khlăy aơ.