VOV4.Mnông- Kêng măng nar 20/4, lĕ geh ƀư rơh rƀŭn nchră bar ding đah Ủy ban rnâng kan Quốc hội đah Trung ương Mặt trận Tổ quốc Việt Nam. Ta rơh rƀŭn nchră, kruanh Quốc hội Vương Đình Huệ kơp dơn, rnê âk Mặt trận Tổ quốc n’hanh ăp ntŭk kan ndrel lĕ ăp nar lơ ma mpơl na nê̆ nău kan tơm lah leo ƀư ndơn kan bâh ƀon lan, lah du ntŭk kan njêng kan dŭt khlăy ta trong kan chính trị tâm dak he.

Kruanh Quốc hội lah na nê̆ nău kan tâm rgop đah mpôl kan kruanh Ủy ban Trung ương Mặt trận Tổ quốc Việt Nam n’hanh Ủy ban rnâng kan Quốc hội mô rlu geh mât uănh, ndâk nsơm, hun hao. Nkre lah dăn đă MTTQ Việt Nam n’hanh ăp ntŭk leo kan ndrel an geh mĭn uănh tay, mât uănh 5 rmôt nău kan, trong kan tâm nău ntoh ngơi ntĭm leo bâh đồng chí Tổng Bí thư Nguyễn Phú Trọng ta rơh rƀŭn nchră bâh Ủy ban Trung ương MTTQ Việt Nam khay 8/2021, ƀư ueh lơn tay nău kan lah nău tơm chính trị tâm rmôt tâm rnglăp lĕ mpôl rnoi, lah ntung njŏ nâp dăng bâh ƀon lan đah Đảng n’hanh ngih dak.

Nuĭh rblang: Thị Đoắt