Tâm 2 nar 24 n’hanh 25/8, Ntŭk rgum nuĭh kan dak bah dih, Bộ Lao động-Thương binh n’hanh Xã hội kan nsum đah Sở Lao động-Thương binh n’hanh Xã hội n’gor Kon Tum ƀư rơh Mbơh joi nău kan ta 2 nkuâl jêr jŏt geh trong kơl 30a bah Chính phủ lah Tu Mơ Rông n’hanh Kon Plông. 

Rơh Mbơh joi nău kan hŏ rƀŏng trong kan an rlău 600 nuĭh kan rnoi Xơ Đăng ta 2 nkuâl dja. Tâm 2 rơh Mbơh joi nău kan, geh 42 doanh nghiệp, đơn vị đăng ký nău ŭch sơch lăp nuĭh kan đah rlău 2.200 ntŭk pah kan tâm n’gor, bah dih n’gor n’hanh hăn pah kan geh nar ton ta dak bah dih. Ăp nuĭh kan ta 2 nkuâl Tu Mơ Rông n’hanh Kon Plông bah n’gor Kon Tum lôch joi gĭt, dơi ntĭm nti ta rơh Mbơh joi nău kan mbra hăn ôp na nê̆ đah ntŭk rgum Mbơh joi nău kan n’gor Kon Tum gay dơi buăt nthoi đah doanh nghiệp n’hanh ƀư hồ sơ. Aơ lah lor bôk năp, Ntŭk rgum nuĭh kan dak bah dih ƀư rơh Mbơh joi nău kan ta n’gor Kon Tum./.