VOV4.M’nông- Rlău 30 ntŭk kan lam ntur neh n’hanh 100 doanh nghiệp têh bâh dak bah dih mbra tât râng rơh rƀŭn nchră nău nchrăp kan n’hanh mbơh nău ntuh kơl ta nkual Đồng bằng Sông Cửu Long, geh ƀư ta ôi tay 21/6 ta nkuăl ƀon têh Cần Thơ. Nău mbơh mhe geh n’gâng kan kế hoạch n’hanh đầu tư mbơh an báo chí. Rơh rƀŭn nchră nchrăp nău kan n’hanh mbơh ntuh kơl nkual ĐBSCL lvang năm 2021-2030 mbra geh mpŏng mbơh ƀư bôk nău pah kan ƀư tĭng Nghị quyết mbrô 13 bâh n’gâng kan chính trị mpeh trong hun hao wăng sa rêh jêng, mât đăp mpăn rnă njrăng ngih dak, rnă njrăng nkual Đồng bằng sông Cửu Long lvang năm 2021-2030 mbra geh mpŏng mbơh ƀư bôk nău kan ƀư tĭng Nghị quyết mbrô 13 bâh n’gâng kan chính trị mpeh trong mpŏng hun hao wăng sa- rêh jêng, rnă njrăng nkual Đồng bằng Sông Cửu Long tât năm 2030, mpŏng uănh tât năm 2045, dơn ngoăy mbơh ƀư nău nchrăp kan ƀư tĭng nău nchrăp nkual Đồng bằng Sông Cửu Long lvang năm 2021-2030, mpŏng uănh tât năm 2050. Groi kruanh n’gâng kan kế hoạch n’hanh ntuh kơl Trần Quốc Phương an gĭt, rơh rƀŭn nchră geh nău kan khlăy tâm nău dơn ngoăy nău gĭt vât ta lĕ rngôch ăp gâl kan, ăp n’gâng kan mpeh nău kan tơm, ntŭk kan n’hanh mpŏng kan khlăy bâh nkual n’hanh tâm rgop ta nkual. Tâm rgop ta nkual an geh jêng nău mĭn leo kan tơm leo hăn hun hao lĕ rngôch ta nkual n’hanh ăp ntŭk tâm nkual.

Nuĭh rblang: Thị Đoắt