Nar 20/6, Báo Nhân dân tâm rgop đah Nhà Xuất bản Chính trị quốc gia Sự thật nkra njêng ndrôm sam ƀŭt “Tổng Bí thư Nguyễn Phú Trọng đah nău nsing nơm bah nuĭh ƀon lan tâm dak n’hanh nău kơl bah băl mpôl lam ntŭr neh”. Mbâl rlău 600 plơk, ndrôm sam ƀŭt lah nău rgum n’hanh săch âk nău nchih, bài thơ, âk n’ha sam ƀŭt rŏng ryơk đah đồng chí Tổng Bí thư Nguyễn Phú Trọng bah âk rơh kơn nuĭh ƀon lan n’hanh băl mpôl lam ntŭr neh ta ăp trang báo điện tử, mạng xã hội.

Ndrôm sam ƀŭt geh 3 gưl: Gưl 1-Nsing nơm nâp tâm nău rđău, ƀĭt joet bah Tổng Bí thư; Gưl 2-Nău rŏng bah nuĭh ƀon lan tâm dak an Tổng Bí thư n’hanh gưl 3-Nău kơl bah băl mpôl lam ntŭr neh. Tâm ndrôm sam ƀŭt, bah meng ăp nău nchih mpeh janh dăng nuĭh djôt bôk, lah ăp nău nchih tâm pă đah nău rŏng ngăn ngên, bah Tổng Bí thư đah nuĭh ƀon lan, đồng chí, băl mpôl n’hanh n’ăp nău rmal cán bộ tih. Tâm rhiăng nău nchih, bài thơ kơt nĕ, ăp nuĭh gĭt blău, khoa học, văn nghệ sĩ, cán bộ, đảng viên, nuĭh pah kan lĕ nkoch nău ryơk đah nău rŏng ngăn ngên an nuĭh kruanh rđău kan têh ngăn bah Đảng he.