VOV4.M’nông – Ôi 12/1, N’gâng kan mât njrăng bri dak ƀư rƀŭn nchră trực tuyến N’glôch jêh ƀư tĭng Bôk nău rgop an tâm nchră “N’hao mbơh rblang, ntĭm nti pháp luật an cán bộ, nuĭh ƀon lan nkual n’har bri, gôl dak năm 2017-2021” ta 46 ntŭk ƀoh đah rlău 1.500 nuĭh ntoh măt râng ta Bộ Tư lệnh Tahen n’har bri, Tahen dak lêng n’hanh ăp n’gor n’har bri.

Mbơh, ntĭm nti pháp luật an cán bộ, nuĭh ƀon lan nkual n’har bri, gôl dak lah nău kan ndăn tâm nu nău mhe

Ăp nuĭh ntoh măt râng tâm ban ŭch aơ lah du bôk nău rgop tâm nchră têh, gay n’hao nău wât tĭng rjăp luật pháp an nuĭh ƀon lan nkual n’har bri, gôl dak, ƀư tĭng nău ntrŭnh bah Đảng n’hanh ngih dak mpeh ndâk njêng nkual n’har bri, ndâk njêng mât njrăng bri dak lam ƀon lan ndrel đah rnă njrăng ƀon lan nâp nâl. Tâm 2 năm bah năp, đah nuih n’hâm “Njrăng srê kơt njrăng rlăng”, rmôt tahen n’har bri lĕ lôch uĕh nău kan “nsum”, nkre mât njrăng nâp nâl ƀư tơm neh ntu, rnă njrăng bri dak, nkre njrăng n’gang srê Covid-19 lăp rlău n’har bri, mât njrăng săk soan, nău rêh an nuĭh ƀon lan, mât đăp mpăn an neh dak.

Nŭih blang: Y Sưng Phê Ja